“Qarabağ”ın futbolçusu Yassin Benzia UEFA Avropa Liqasında sabah “Lion”a (Fransa) qarşı keçirəcəkləri oyundan öncə təşkil olunan mətbuat konfransında iştirak edib.
Futbolpress.az xəbər verir ki, yarımmüdafiəçi media nümayəndələri ilə görüşdə bunları deyib:
“Mənim üçün əvvəllər oynadığım “Lion”la görüş çox maraqlı olacaq. İndi isə “Qarabağ”da çıxış edirəm. Formasını geyindiyimiz komandanın şərəfini, dəyərini qorumağa çalışırıq.
Əlbəttə ki, əvvəlki “Lion”la hazırkı komanda arasında çox böyük fərq var. O vaxt komanda yüksək performans göstərirdi. “Lion” indi də yüksək səviyəli komandadır. Bu, mənim üçün çox vacib oyundur”.
