“Leypsiq”in futbolçusu İlayş Moriba karyerasını İspaniyada davam etdirəcək.
Futbolpress.az xəbər verir ki, yarımmüdafiəçi “Selta”ya keçib. Bu barədə La Liqa təmsilçisinin mətbuat xidməti məlumat yayıb. Moriba 2025-ci ilin yayına kimi icarə əsasında “Selta”da çıxış edəcək.
“Barselona”nın yetirməsi olan futbolçu ötən mövsümü icarə əsasında “Xetafe”də keçirib. O, 14 oyunda 2 məhsuldar ötürmə ilə yadda qalıb.
