“Barselona” azərbaycanlı qapıçı Eldar Tağızadəni icarəyə verib.
Futbolpress.az xəbər verir ki, qolkiper 2025-ci ilin yayına kimi “Tudelano”da çıxış edəcək. Bu barədə klubun mətbuat xidməti məlumat yayıb.
Eldar bu ay “Luqo” klubundan “Barselona”ya keçmişdi.
“Tudelano” İspaniya 4-cü liqasında mübarizə aparır. Çempionatda mövsümə sentyabrın 1-də start veriləcək. Komanda ötən mövsümü 18 komanda arasında 48 xalla 7-ci sırada bitirib.
