Beynəlxalq dərəcəli voleybol hakimi Eldar Zülfüqarov Avropa Voleybol Konfederasiyası (CEV) tərəfindən növbəti dəfə təyinat alıb.
Futbolpress.az xəbər verir ki, o, kişi voleybolçular arasında Çempionlar Liqasında E qrupunda yer alan “Levski” (Bolqarıstan) və “Çamont B52″ (Fransa) komandalarının qarşılaşmasında birinci hakim olacaq. Görüşün ikinci hakimi lixtenşteynli Aleksander Sikanjicdir.
Bolqarıstanın paytaxtı Sofiyada keçiriləcək oyun bu gün yerli vaxtla saat 20:00-da başlayacaq.
