Azərbaycanın yeniyetmələrdən ibarət stolüstü tennisçiləri Rumıniyanın paytaxtı Buxarestə keçiriləcək Avropa çempionatında iştirak edəcəklər.
Futbolpress.az xəbər verir ki, Azərbaycan qitə çempionatında 4 tennisçi ilə təmsil olunacaq.
Yığmanın heyətində Onur Quluzadə, Şakir Qədirov, Yağmur Məmmədli və Banu Baytallı qızıl medallar uğrunda mübarizə aparacaq.
Yarışa mayın 22-də start veriləcək.
Azərbaycanı qitə çempionatında beynəlxalq dərəcəli hakim Zaur Mikayılov təmsil edəcək.
