Qadın futbolçulardan ibarət Azərbaycan milli komandası bu gün Avropa çempionatının seçmə mərhələsində növbəti oyununu keçirib.
Futbolpress.az xəbər verir ki, B Liqasının I qrupunda yer alan millimiz beşinci matçında Macarıstan yığması ilə qarşılaşıb. “Liv Bona Dea Arena”da təşkil olunan görüş Macarıstan seçməsinin 5:0 hesablı qələbəsi ilə yekunlaşıb.
Bu nəticədən sonra millimiz 4 xalla turnir cədvəlinin dördüncü pilləsində qərarlaşıb. Macarıstan yığması isə 7 xalla ikinci yerə yüksəlib.
Qeyd edək ki, Azərbaycan milli komandası qrupda son oyununu iyulun 16-da Lozanna şəhərində yerləşən “Olimpik De La Pontez” stadionunda İsveçrə yığmasına qarşı keçirəc ək.
