Azərbaycan klubu baş məşqçi ilə müqaviləni uzatdı

Kişi voleybolçulardan ibarət “Azərreyl” klubunun yeni mövsümdə daha iddialı və güclü olması üçün heyətinin formalaşdırılmasına start verilib.

Futbolpress.az xəbər verir ki, komanda baş məşqçi postunda dəyişiklik etməyəcək.

Danışıqların yekununa əsasən, Boris Qrebennikov “Azərreyl”də işini davam etdirəcək. Təcrübəli mütəxəssislə müqavilə daha 1 illiyə artırılıb. Onun qarşısına qoyulan

əsas hədəf son Azərbaycan çempionunu uğurlara daşımaq və heyətdə olan gənc voleybolçuların inkişaf etdirilməsi yolunda fəaliyyətini davam etdirməkdir.

Qeyd edək ki, “Azərreyl” Boris Qrebennikovun rəhbərliyi altında ilk dəfə Azərbaycan Yüksək Liqasının qızıl medalını qazanıb.