Badmintonçularımız Botsvanada keçirilən “Future” seriyalı “Botswana International 2024” turnirində 3 qızıl və 3 bürünc medal qazanıblar.
Futbolpress.az xəbər verir ki, kişi badmintonçuların şəxsi yarışında Diki Pangestu, kişi badmintonçuların qoşa yarışında Aqil Qəbilov-Diki Pangestu, qarışıq qoşa kateqoriyasında isə Aqil Qəbilov-Era Maftuha tandemi Afrika və Avropa ölkələrinin badmintonçularının iştirak etdiyi beynəlxalq turnirdə qızıl medal qazanıb. Qarışıq qoşa kateqoriyasında daha bir medalı Cahid Əlhəsənov-Həcər Nuriyeva cütü qazanıb. Yarımfinala kimi irəliləyən badmintonçularımız bürünc medalı təmin edib. Daha 2 bürünc medal qadın badmintonçuların şəxsi yarışında qazanılıb. Həcər Nuriyeva və Era Maftuha müvafiq kateqoriya üzrə bürünc medala layiq görülüb.
