“Sauthempton” Madrid “Real”ının yeniyetməsi Endrik üçün təklif göndərib.
Futbolpress.az xəbər verir ki, İspaniya nəhəngi braziliyalı vunderkindlə təxminən iki il əvvəl hələ 16 yaşında olarkən müqavilə bağlamışdı. 2024-cü ilin yayında 18 yaşı tamam olandan sonraysa Endrik Madridə köçdü.
Lakin o vaxtdan bəri Endrik müntəzəm start oyunçusu olmağı bacarmayıb. Onun La Liqa karyerası bir qol və bir məhsuldar ötürmə etdiyi səkkiz oyunda 55 dəqiqə ilə məhdudlaşıb.
“Sauthempton” 18 yaşlı oyunçuya daha çox oyun vaxtı təklif etməyə hazırdır. Bununla belə, iddiaçılar siyahısında “Roma” və “Valyadolid” də var.
“Sauthempton” Premyer Liqada sağ qalmaq üçün heyəti təkmilləşdirməyə can atır. 11 oyundan sonra onların cəmi dörd xalı var.
