“Arsenal”ın baş məşqçisi Mikel Arteta Premyer Liqada “Mançester Yunayted”ə qalib gəldikləri oyunu şərh edib.
Futbolpress.az xəbər verir ki, mütəxəssis 2:0 hesabıyla bitən matçdan sonra bunları deyib:
“Xoşbəxtəm, inanılmaz atmosferdə qazanılan möhtəşəm qələbə oldu. Düşünürəm ki, buna layiq idik. İtkilərə görə heyətdə dəyişiklik etmişdim, amma atmosfer meydandakı oyunçularıma da enerji verdi”.
Arteta lider “Liverpul”un xal itirməsinə də toxunub:
“Oyun zamanı xəbərim yox idi. Paltardəyişmə otağında öz qələbəmizə sevindik və sonra bu xəbəri aldıq. Lakin Premyer Liqanı qazanmaq çətin olacaq. Qarşıda uzun vaxt var”.
“Arsenal” Premyer Liqada 28 xalla 3-cü sıradadır. “Topçular” lider “Liverpul”dan 7 xal geri qalır.
