“Arsenal” “Nyukasl”ın futbolçusu Aleksander İsak ilə maraqlanır.
Futbolpress.az xəbər verir ki, bu barədə “El Nasional” nəşri məlumat yayıb. London klubu isveçli hücumçu üçün 120 milyon avro ödəməyə hazırdır.
Keçid bu məbləğə baş tutarsa, bu, “Arsenal” tarixinin rekord transferi olacaq. “Topçular”ın indiki rekordçusu 116,6 milyon avroya heyətə cəlb edilən Deklan Raysdır.
İsak bu mövsüm 10 oyunda 4 qol vurub, 1 məhsuldar ötürmə edib.
