“Araz-Naxçıvan” bu gündən təlim-məşq toplanışına başlayıb.
Futbolpress.az xəbər verir ki, hazırlıq prosesində istirahətlə əlaqədar ölkəsinə yollanmış legionerlər də iştirak edir. Yanvarın 12-dək davam edəcək hazırlıq prosesi zamanı futbolçular gün ərzində 2 məşq keçəcək. Səhər fitnes zalda çalışacaq komanda üzvləri ikinci hazırlığı stadionda reallaşdıracaq.
Qeyd edək ki, “Araz-Naxçıvan” hazırlıq prosesi çərçivəsində 2 yoxlama oyunu keçirəcək. Yanvarın 9-da, “Kapital Bank Arena”da, saat 15:00-da “Sumqayıt”la üz-üzə gələcək “qırmızı-ağlar” 2 gün sonra – yanvarın 11-də “Səbail”lə gücünü sınayacaq.
