AFFA bu gün U-13 Liqasında istifadə olunan toplarla bağlı açıqlama yayıb.
Futbolpress.az xəbər verir ki, qurum oyunların başlama saatının ləngiməməsi üçün yeni toplardan istifadə olunmadığını bildirib:
“U-13 Liqasındakı məsələ ilə bağlı qeyd etmək istərdik ki, bunlar ehtiyat toplardır. Hər hansı fors-major vəziyyətdə istifadə olunur. Bu gün səhər saatlarında yeni toplar gətirilməli idi. Oyunların vaxtında başlaması, gecikməməsi üçün birinci hissələr ehtiyat toplarla oynanıldı. Növbəti oyunlarda artıq komandalar yeni toplarla təmin olundular. Topların gec gəlməsi ilə bağlı tərəfimizdən araşdırma aparılacaq və müvafiq addımlar atılacaq”.
Daha öncə idman jurnalisti Mirələm Həsənli U-13 Liqasının oyunları üçün bu gün verilən topların pis vəziyyətdə olması ilə bağlı paylaşım edib.
