“Real” İspaniya Kubokunda yarımfinala yüksəlib.
Futbolpress.az xəbər verir ki, Madrid təmsilçisi 1/4 finalda “Leqanes”i mübarizədən kənarlaşdırıb. Komandanın baş məşqçisi Karlo Ançelotti 3:2 hesabıyla bitən matçla bağlı bunları deyib:
“Çox güc sərf etdik. Növbəti turda derbi olacaq və buna görə bəzi oyunçulara istirahət verməyə qərar verdim. Gənclər özünü yaxşı tərəfdən göstərə bildilər. Onlar irəliləyir və nəticə əldə etməyə başlayırlar”.
“Real”dan öncə “Atletiko” yarımfinala vəsiqə qazanıb. Onların rəqibləri hələ məlum deyil.
