“Bavariya”nın futbolçusu Yozua Kimmix klubdakı gələcəyi haqda açıqlama verib.
Futbolpress.az xəbər verir ki, yarımmüdafiəçi Münhen təmsilçisi ilə müqavilənin uzadılmasının mümkünlüyündən danışıb:
“Klubla danışmışam və özümə çox təzyiq etmək istəmirəm. Düzdür, yaxın aylarda qərar verməliyəm. Müqaviləni uzatmaq üçün bir çox yaxşı səbəblər var. Bütün Almaniya necə futbol oynadığımızı görür. Mən bunu sevirəm və belə davam etmək istəyirəm. Müqavilənin uzadılması şansı ötən yaydan qat-qat yüksəkdir”.
Kimmixin müqaviləsi mövsümün sonunda başa çatır. Oyunçunun adı İngiltərə və İspaniya klubları ilə hallanır.
