“Real”ın futbolçusu Vinisius Junior klub sahibi ola bilər.
Futbolpress.az xəbər verir ki, braziliyalı hücumçu Portuqaliyanın II Liqasında çıxış edən komandalardan birini almaq variantını nəzərdən keçirir. Bu barədə ESPN nəşri məlumat yayıb.
Vinisius futboldan ayrıldıqdan sonra biznes maraqlarını daha şaxələndirmək istəyir və bununçün ilkin addımları indidən atmaq niyyətindədir.
Daha əvvəl Vinisiusun komanda yoldaşı Mbappe Fransanın “Kan” klubunun səhmlərinə şərik olub.
