“Vest Hem”in futbolçusu Niklas Fülkruq “Yuventus”un transfer siyahısına düşüb.
Futbolpress.az xəbər verir ki, Turin təmsilçisi bu keçidi yanvarda reallaşdırmaq istəyir. Almaniyalı futbolçunun İngiltərə klubundan icarə əsasında ayrıla biləcəyi gözlənilir.
31 yaşlı hücumçu bu mövsüm Premyer Liqada cəmi 9, İngiltərə Liqa Kubokunda isə 1 oyun keçirib. Onun aktivində 2 qol və 1 məhsuldar ötürmə var.
Fülkruqun “Vest Hem”lə müqaviləsi 2028-ci ilin yayına qədərdir.
