Kişi boksçular arasında Azərbaycan çempionatı davam edir.
Futbolpress.az xəbər verir ki, 41 komandanın iştirakı ilə təşkil edilən yarışın V günündə yarımfinal görüşləri baş tutub.
13 çəki dərəcəsində 26 döyüşün nəticəsinə əsasən finala çıxan boksçuların adlarına aydınlıq gəlib. Yığmanın əsas heyət üzvləri inamlı qələbə sayəsində həlledici döyüşə vəsiqə qazanıblar. Məğlub olan idmançılar bürünc medalla kifayətləniblər.
Qadın boksçuların Azərbaycan çempionatına isə yekun vurulub. 2 çəki dərəcəsində medalçılar bəlli olub. Həmçinin 5 çəkidə Boks Federasiyasının seçmə turnirin qalibləri müəyyənləşib.
Qeyd edək ki, çempionatda final döyüşləri bu gün keçiriləcək. Boks Mərkəzində təşkil olunan yarışın həlledici görüşlərinə saat 11:00-da start veriləcək.
Finallar “İdman TV” vasitəsi ilə canlı yayımlanacaq.
