“Qarabağ” bu gün Avropa Liqasında “Elfsborq”la qarşılaşacaq. İsveç təmsilçisi ilə səfər görüşünə saat 00:00-da start veriləcək.
“FutbolPress“in məlumatına görə, “Qarabağ”ın hücumçusu Musa Qurbanlı ötən mövsüm “Yurqorden”də çıxış edən zaman “Elfsborq”la duellərdə şans qazanmayıb. Qurbanlının çıxış etdiyi kollektiv çempionatda iki dəfə məhz bu rəqiblə qarşılaşıb və hər ikisində 2:0 hesablı qələbə qazanıb.
Musa bu oyunlarda meydana çıxmayıb. O, qələbələri kənardan izləməli olub.
22 yaşlı hücumçu 2023/24 mövsümünü “Yurqorden”də keçirib. Qurbanlı İsveçdə 21 oyunda 3 qol vurub, 1 məhsuldar ötürmə edib.
Azərbaycan yığmasının da üzvü olan forvard mövsümün əvvəlində “Qarabağ”a qayıdıb.
