“Qarabağ” sabah Avropa Liqasının VI turunda “ELfsborq”un qonağı olacaq.
Futbolpress.az xəbər verir ki, “atlılar” görüşə itkilərlə çıxacaq.
Komandanın heyətində öncədən zədəli olan Aleksey İsayev, Kevin Medina və oyunun hazırlığı zamanı zədələnən Bəhlul Mustafazadə sabahkı görüşü buraxacaqlar. İsayev qasıq nahiyəsindən əməliyyat olunub, Medinaya baldır əzələsinin gərilməsi diaqnozu qoyulub. Mustafazadədə isə bud arxa əzələsinin gərilməsi üzündən təxminən 4-6 həftə yaşıl meydanlardan kənar qalacaq.
Qeyd edək ki, dekabrın 12-də keçiriləcək “Elfsborq” – “Qarabağ” oyunu saat 21:00-da (Bakı vaxtı ilə saat 00:00-da) başlayacaq.
