PSJ-də baş məşqçi Luis Enrike ilə vinger Osman Dembele arasında mübahisə yaşanıb.
Futbolpress.az xəbər verir ki, Paris klubunun Çempionlar Liqasında “Bavariya”ya uduzduğu oyunda (0:1) qırmızı vərəqə alan fransalı oyunçu ispan mütəxəssislə gərginlik yaşayıb.
Dembele bundan sonra komandanın Liqa 1-də “Nant”la matçında (1:1) iştirak ərizəsinə daxil edilməyib. Fransa mətbuatının xəbərinə görə, Dembele baş məşqçisinin sistemini bəyənmir və bu səbəbdən mübahisə yaşanıb.
27 yaşlı futbolçu bu mövsüm 16 oyunda 5 qol vurub, 7 məhsuldar ötürmə edib.
