“Barselona”nın baş məşqçisi Hans-Diter Flik İspaniya La Liqasında “Las Palmas”a qarşı keçirdikləri oyunu şərh edib.
Futbolpress.az “Marca”ya istinadən xəbər verir ki, mütəxəssis 1:2 hesabıyla bitən matçla bağlı bunları deyib:
“Yaxşı oynamadıq. Nəticə üçün çox çalışmadıq. Günümüzdə deyildik. Kifayət qədər effektli ola bilmədik. Bəzi anlarda yaxşı oynayıb, imkanlar yaratsaq da, sonluq çatmadı. Buraxılan qollarla bağlı təhlillər aparmalıyıq. Tək müdafiəçilər deyil, bütün komanda hər mövqedə etibarlı olmalıdır”.
