“Liverpul”un baş məşqçisi Arne Slot komandanın hücumçusu Məhəmməd Salaha yeni müqavilə təklif edilməməsinə münasibət bildirib.
Futbolpress.az xəbər verir ki, mütəxəssis bu mövzuda məsələlərə şərh vermədiyini söyləyib:
“Müqavilələr haqda danışmıram. Heyətə baxsaq, Salah daha çox komandada görünür. O və digər oyunçular üçün diqqət dağıdan nəsə yoxdur”.
Daha əvvəl Salah klubun ona yeni sözləşmə təklif etmədiyini demişdi. Misirli hücumçunun indiki müqaviləsi 2025-ci ilin yayına kimidir.
