“Qəbələ”nin sabiq məşqçisi Yuri Syomin rusiyalı mütəxəssis Vasili Berezutskinin “Sabah”a baş məşqçi təyin edilməsinə münasibət bildirib.
Futbolpress.az “Matç TV”yə istinadən xəbər verir ki, mütəxəssis həmkarı haqda bunları deyib:
“Vasiliyə uğurlar arzu edirəm. Hər liqanın özünəməxsus çətinliyi var. Azərbaycan Premyer Liqasında “Qarabağ” kimi lider var. Onlar yaxşı komandadır və beynəlxalq arenada uğurlu çıxış edirlər. “Neftçi”nin də adını çəkmək olar. Azərbaycanda futbol inkişaf edir və rəqabət var. Vasili üçün yaxşı sınaq olacaq. Azərbaycan çempionatı kifayət qədər səviyyəli və ciddidir. Vasilinin əvvəllər məşqçi işləməsi ona kömək olacaq”.
