“Sabah” Premyer Liqada 7 oyundur qələbə qazana bilmir.
“Futuristlər” sonuncu turda “Turan Tovuz”la qollu heç-heçə edib – 1:1. 14 turdan sonra 19 xalla 5-ci sırada qərarlaşan “bayquşlar” itkilər fonunda avrokubok zonasından aralanmaqdadır.
Xüsusilə, ikinci pillədəki “Araz-Naxçıvan”ın qələbələri sıraladığı bir dönəmdə yol verilən itkilər komandanın gümüş medal arzusunu da yarımçıq qoyacaq. Artıq tərəflər arasında 14 xallıq fərq var və bu gedişlə, bunu qapamaq mümkün olmayacaq.
“Sabah”ın müdafiədə və hücumda ciddi problemləri var. Ani diqqətsizlikdən buraxılan qollar, hücumda effektiv ola bilməmək, ələ düşən fürsətlərin sağa-sola xərclənməsi komandanın qələbəsizlik seriyasını artıran əsas amillərdəndir.
“Sabah” növbəti turda “Səbail”i qəbul edəcək.
Kamil Əhməd
