“Arsenal”ın cinah oyunçusu Bukayo Saka şənbə günü “Nottinqem Forest”lə oyuna hazır olmaq üçün zamanla yarışır.
Futbolpress.az xəbər verir ki, 23 yaşlı oyunçu noyabrın 10-da “Çelsi” ilə matçda ayağından aldığı zədə səbəbindən noyabrda beynəlxalq fasilə üçün İngiltərə yığmasından uzaqlaşdırılıb.
Problemin çox ciddi olacağı gözlənilmirdi. Amma Saka hələ də özünü tam bərpa edə bilməyib.
“Topçular”ın baş məşqçisi Mikel Arteta ağıl oyunları ilə məşhurdur. O, çətin ki, oyunöncəsi mətbuat konfransında Sakayla bağlı qəti qərar versin.
