Azərbaycan millisi bu gün UEFA Millətlər Liqasında Estoniya ilə qarşılaşacaq. Qəbələ şəhər stadionunda baş tutacaq görüşə saat 18:00-da start veriləcək.
Estoniya yığması son 10 səfər oyununda cəmi 1 qələbə qazanıb, 1 heç-heçə edib. Komanda bu ilin yayında Baltika Kubokunda Litvaya penaltilər seriyasında qalib gəlib. Heç-heçə isə millimizlə matça təsadüf edib. Estonlar 2023-cü ilin iyununda Bakıda Azərbaycanla qollu “sülh”ə razılaşıb – 1:1.
Azərbaycan millisi isə son 10 ev matçında 4 qələbə qazanıb, 2 heç-heçə edib. Komanda Belçika, Avstriya, İsveç və Slovakiyaya məğlub edib. Milli yoldaşlıq oyununda Qazaxıstanı, İordaniyanı, Monqolustanı və Avropa çempionatının seçmə mərhələsində İsveçi məğlub etməyi bacarıb.
Fernandu Santuşun rəhbərlik etdiyi kollektiv bu mövsüm Millətlər Liqasında 2 səfər və 2 ev oyununda uduzub. Estonlar isə Azərbaycanı məğlub edib, iki dəfə İsveçə, bir dəfə Slovakiyaya uduzub.
