“Liverpul”un baş məşqçisi Arne Slot komandanın hücumçusu Məhəmməd Salah haqda fikirlərini bölüşüb.
Futbolpress.az xəbər verir ki, mütəxəssis “The Guardian”a açıqlamasında misirli futbolçunun çıxışından razı olduğunu deyib:
“Salahdan razıyam, onun performansında eniş olduğunu demək olmaz. Statistikasına və oyununa baxanda hər şey aydın olur. 32 yaşı var? Olsun, Ronaldonun indi neçə yaşı var? Messi hələ də inanılmaz səviyyədə oynayır. Özüm karyeramda 33 yaşımda daha yaxşı oynamışam, nəinki 26-da. Gələcəkdə necə olacağını deyə bilmərəm, amma Salah hazırda çox güclüdür və yaxşı formadadır”.
Salah bu mövsüm 15 oyunda 9 qol vurub, 7 məhsuldar ötürmə edib.
