“Uğursuz seriyadayıq. Hər komandada belə dönəmlər olur”.
Bu sözləri “FutbolPress“ə açıqlamasında “Şamaxı”nın futbolçusu Arsen Ağcabəyov söylədi. Müdafiəçi Premyer Liqada ardıcıl 4 oyunda xal qazana bilməmələrini belə şərh etdi:
“Pis oynamırıq, oyunlarda qol şansları da yaradırıq. Ancaq fürsətləri dəyərləndirə bilmirik. Uğursuz seriyadayıq və futbolda belə hallar olur. İnanıram ki, seriyanı qıracağıq və vacib xallar qazanacağıq”.
“Şamaxı”nın çempionatdakı növbəti oyunu “Neftçi”yə qarşı olacaq. “Şirlər” XIII turda noyabrın 8-də “ağ-qaralar”ın qonağı olacaq. Arsen matçdan gözləntilərini bölüşdü:
“Neftçi” ilə oyunun çətin olacağını bilirik. Premyer Liqada asan oyun yoxdur. İnanıram ki, əlimizdən gələni edəcəyik və istədiyimiz xalları qazanacağıq”.
Şahin Cəfərov
