2008-ci ilin bu günündə ilk nömrəsi çapdan çıxan “Futbol-Press” qəzeti 2009-cu ilin bu günündə elektron KİV formatına keçid etmişdi.
16 ildir ki, enişli-yoxuşlu yollarda sizinlə birgəyik. Bu illər sıralarımızda ilk addımlarını atıb pöhrələnən onlarla addımdaşımız indi müxtəlif sahələrdə addımlayır.
16 ildir ki, “FutbolPress.az” öləziyən mətbuat ənənələrinə sadiqliyi prioritet saymaqla fəaliyyətdədir. Bizimlə birgə addımlayan hər bir üzvümüz sürətimizi artırdı, eyni zamanda bizə kömək edən, dəstək verən dostları da unutmadıq; bu illərdə sizin də payınız var.
Əziz oxucular, zamanla qarşılaşdığımız çətinliklərdə sizdən gələn mənəvi dəstək əsas stimulumuz oldu. “Bir igidin ömrü” boyda yaşamağımız və böyüməyimiz sizdən aldığımız mənəvi rifah sayəsində mümkün oldu.
Hələ gediləcək uzun yollarda dostunuz “FutbolPress”lə birgə addımlamağı unutmayın. Sizə vicdanlı bələdçi olmaq şərəfdir.
Yaşasın doğru xəbər!
