“Yuventus”un baş məşqçisi Tyaqo Motta A Seriyasında “İnter”ə qarşı keçirdikləri oyunu şərh edib.
Futbolpress.az xəbər verir ki, mütəxəssis 4:4 hesabıyla başa çatan matçla bağlı bunları deyib:
“Çətin oyun olacağını bilirdik. Hər şeyi ətraflı təhlil etməliyik. 4 qol buraxmışıq və bu, müsbət hal deyil. Çempionatda buna qədər cəmi bir qol buraxmışdıq. “İnter”in bu qədər qol vurması onların keyfiyyətindən xəbər verir. Digər tərəfdən hücumda da biz effektiv oynaya bildik. Açıq, maraqlı futbolun şahidi olduq”.
