Belarusun “Dinamo” (Minsk) klubu UEFA Konfrans Liqasının qrup mərhələsindəki ev oyunlarını Mehdi Hüseynzadə adına Sumqayıt şəhər stadionunda keçirəcək.
Futbolpress.az xəbər verir ki, bu barədə UEFA-nın mətbuat xidməti məlumat yayıb.
Minsk klubu oktyabrın 3-də, saat 20:45-də Şotlandiyanın “Harts”, noyabrın 28-də, saat 21:45-də Danimarkanın “Kopenhagen” və dekabrın 12-də, saat 21:45-də Şimali İrlandiyanın “Larn” komandalarını Sumqayıtda qəbul edəcək.
Mehdi Hüseynzadə adına Sumqayıt şəhər stadionunda keçiriləcək görüşlər azarkeşsiz oynanılacaq.
