Fransanın paytaxtı Parisdə keçirilən Yay Olimpiya Oyunlarında güləşdə 50 kq çəki dərəcəsində medalsız qalan Mariya Stadnik instaqram hesabında paylaşım edib.
Futbolpress.az xəbər verir ki, o, postunda bunları yazıb:
“Mənim idman tarixim artıq yazılıb, 4 olimpiya medalı. İnsan planlaşdırır, amma Allah hər zaman bizim üçün ən yaxşısını bilir .
17 il ərzində böyük qürurla Azərbaycanın adını təmsil etdim, bu yolda məni dəstəkləyən və mənimlə olan hər kəsə təşəkkür edirəm.
İndi isə başqa bir tarix yazmağın vaxtıdır”.
Stadnik karyerası ərzində 2 dəfə dünya, 10 dəfə Avropa çempionu olub. O, 4 Olimpiya Oyunlarında isə iki gümüş, iki bürünc medal qazanıb.
