Çempionlar Liqasının III təsnifat mərhələsində sabah keçiriləcək “Qarabağ” – “Ludoqorets” (Bolqarıstan) oyununa bilet satışı davam edir.
Futbolpress.az xəbər verir ki, görüş üçün 23 min bilet satılıb. Bu barədə klubun mətbuat xidməti məlumat yayıb.
Saat 20:00-da Tofiq Bəhramov adına Respublika stadionunda baş tutacaq matçın biletlərinin qiyməti müvafiq olaraq 5, 10, 20, 30, 75 və 100 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 200 manatdır.
Biletləri “Iticket.az”ın satış məntəqələri (iticket.az-da onlayn satış), Park Bulvardakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə etmək mümkündür.
