“Uğur və uğursuzluq dövründə həmişə yanımızda oldunuz”.
Futbolpress.az xəbər verir ki, bu sözləri “Qarabağ”dan ayrılan Andrey Lunyov klubun mətbuat xidmətinə açıqlaması zamanı deyib.
Rusiyalı qapıçı azarkeşlərə təşəkkür edib:
“Əziz azarkeşlər, bu mövsum, bizə bəxş etdiyiniz sevinc dolu anlara görə hamınıza təşəkkür edirəm! Biz də öz növbəmizdə çalışırdıq ki, sizə təşəkkürümüzü eyni formada bildirək. Uğur və uğursuzluq dövründə həmişə yanımızda oldunuz. Səfər etdiyimiz bütün ölkələrdə bizə dəstək oldunuz, bu da bizə əlavə güc, enerji verirdi. Bütün qəlbimlə sizə təşəkkür edirəm. Gələcəkdə də “Qarabağ”ı belə dəstəkləməyinizi arzulayıram. Futbolçuların buna ehtiyacı var. Uğurlar diləyirəm!”.
2023-cü ilin yayından “atlılar”da çıxış edən Lunyov bu müddətdə 34 matça çıxıb. O, Premyer Liqada 19, kubokda 5, avrokuboklarda 10 oyun keçirib. Andrey “Qarabağ”la Azərbaycan çempionu və kubokunun qalibi olub.
