“Bernli”nin baş məşqçisi Vensan Kompani “Bavariya”ya rəhbərlik edə bilər.
Futbolpress.az xəbər verir ki, belçikalı mütəxəssis Almaniya klubu ilə razılığa gəlib. Bu barədə insayder Fabrizio Romano məlumat yayıb.
“Bavariya” hazırda “Bernli” ilə danışıqlar aparır. Münhen təmsilçisi kluba 10-15 milyon avro təzminat ödəməyə hazırdır.
Kompaninin rəhbərlik etdiyi “Bernli” 2023/2024 mövsümündə Premyer Liqanı 19-cu sırada bitirib və elitanı tərk edib. Mütəxəssisin müqaviləsi 2028-ci ilin yayına kimidir.
