“Qarabağ” Premyer Liqanın XXXV turunda bu gün “Turan Tovuz”u qəbul edəcək.
“FutbolPress” xəbər verir ki, komandalar bu mövsüm üç dəfə üz-üzə gəlib. İki görüş “Qarabağ”ın qələbəsiylə başa çatıb, bir matçda isə tovuzlular heç-heçəyə nail olub.
Ümumiyyətlə, “Turan Tovuz” sonuncu dəfə 2006-cı ildə “atlılar”ı məğlub edə bilir. Həmin dövrdə “Turan” adlanan kollektiv Tovuzda rəqibini 3:1 hesabıyla məğlub etməyi bacarıb. Ondan sonra keçirilən 21 matçda “atlılar” 16 qələbə qazanıb. 5 görüşdə heç-heçə qeydə alınıb.
Çempionluğunu təmin edən “Qarabağ” və elitadakı yerini qoruyan “Turan Tovuz” üçün oyun formal xarakter daşıyır. Tofiq Bəhramov adına Respublika stadionunda baş tutan görüşə saat 20:30-da start veriləcək.
Kamil Əhməd
