U-15 yeniyetmələr arasında cüdo üzrə Abşeron-Xızı region birinciliyi keçiriləcək
Futbolpress.az xəbər verir ki, Azərbaycan Cüdo Federasiyasının (ACF) və Abşeron-Xızı Regional Gənclər və İdman İdarəsinin birgə təşkilatçılığı ilə 20 yanvar şəhidlərinin xatirəsinə həsr olunmuş 15 yaşa qədər kiçik yaşlı yeniyetmə qızlar və oğlanlar arasında cüdo üzrə Abşeron-Xızı region birinciliyi keçiriləcək.
18-19 yanvarda Sumqayıt Olimpiya İdman Kompleksində baş tutacaq yarışda qızlar və oğlanlar arasında 18 çəki dərəcəsində 200-dən çox cüdoçu medallar uğrunda mübarizə aparacaq.
Yarışın əsas məqsədi yeniyetmələr və gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Yarış müvafiq yaş qrupu üzrə baş tutacaq ölkə birinciliyinə seçim xarakteri daşıyır.
