“Neftçi” “Sumqayıt”ın baş məşqçisi Samir Abasovu gətirdi ki, bəlkə güclənər, amma ona da uduzdu – 0:2.
Futbolpress.az xəbər verir ki, Vaqif Cavadov “Sumqayıt”a dirilik qatıb, böyük ümidlərlə gətirilən Abasov isə “Neftçi”nin dərdinə əlac tapa bilmir.
Abasov baş məşqçi təyin olunandan:
Premyer Liqa: 7 oyun, 2 qələbə, 3 məğlubiyyət, 2 heç-heçə
Kubok: 1 oyun, 1 qələbə
16 turdan sonra 13 xalla turnir cədvəlinin 8-ci pilləsində qərarlaşan “ağ-qaralar”, deyəsən bu mövsüm də avrokuboklarda kənar qalacaq. İlk dördlüyün sonuncusundan 13 xal geridə olan komanda bu fərqi azaltmaq üçün heç bir əlamət büruzə vermir.
Top fərqi -12, bu bir fiaskodur. Və görünür, xroniki hal almaqdadır. Bundan çıxış yolu tapmaq isə ikinci ardıcıl mövsümdür ki, mümkün olmur.
Baş məşqçi dəyişməkdə nümayiş etdirilən pərgarlıq heç bir fayda vermədi, görünür rəhbərlik(də) ciddi islahat apar(ıl)malıdır.
Kamil Əhməd
