PORTUQALİYA NORVEÇ SƏDDİNİ 1 QOLLA KEÇDİ (NƏTİCƏLƏR)
Paylaş:
Pavlyuçenko "qardaşına" acımadı Bu gün AVRO-2012-nin seçmə mərhələsi çərçivəsində daha bir neçə oyun keçirilib. 4 qrupda 9 qarşılaşma oynanılıb. B qrupunda Rusiya doğma meydanda Ermənistanla üz-üzə gəlib və rəqibini 3:1 hesabı ilə məğlub edib. Slovakiya Andorranı minimal hesabla üstələyib. Makedoniya isə evdə İrlandiyanı qəbul edib. Robbi Kinin dublu irlandlara qələbə qazandırıb. F qrupunda Latviya İsraillə qarşılaşıb. "Bakı"nın baş məqşçisi Aleksandr Starkovun çalışdırdığı Baltikyanı təmsilçisi qonaqlarla oyunda məğlubiyyətlə üzləşib. Yunanıstan Maltaya heç bir şans verməyib və meydandan 3:1 hesablı qələbə ilə ayrılıb. G qrupunun hazırki lideri İngiltərə İsveçrənin müqavimətini qıra bilməyib. Matç məhsuldar heç-heçə ilə bitib - 2:2. İngilislərin əsas izləyicisi Çernaqoriya isə Bolqarıstanla bərabərə qalıb. H qrupunda autsayder İslandiya Danimarka ilə qarşılaşmada ilk qələbəsinə qovuşmağı hədəfləmişdi. Ancaq qonaqlar buna imkan vermədi. Nəticədə, Danimarka 2 cavabsız qolla 3 xala sevindi. Portuqaliya isə doğma meydanda qrupun hazırki lideri Norveçlə qarşılaşıb. Poştiqanın vurduğu qol Pireney təmsilçisinə uğur gətirib. AVRO-2012-nin seçmə mərhələsi 4 iyun B qrupu Rusiya - Ermənistan - 3:1 Slovakiya - Andorra - 1:0 Makedoniya - İrlandiya - 0:2 F qrupu Latviya - İsrail - 1:2 Yunanıstan - Malta - 3:1 G qrupu İngiltərə - İsveçrə - 2:2 Çernoqoriya - Bolqarıstan - 1:1 H qrupu İslandiya - Danimarka - 0:2 Portuqaliya - Norveç - 1:0
Qollar: Roman Pavlyuçenko, 26; 59; 73 (pen) - Markos Pitselli, 25
Qol: Miroslav Karhan, 63
Qollar: Robbi Kin, 8; 37
Qollar: Aleksandr Sauna, 62 - Yossi Benayun, 19, Tal Ben Haim, 43
Qollar: Fetafatsidis, 8; 64, Papadopulos, 26 - Mifsud, 54
Qollar: Lampard, 37 (pen), Eşli Yanq, 51 - Barnetta, 32; 35.
Qollar: Caloviç, 53 - Popov, 66.
Qollar: Şene, 60, Eriksen, 75
Qol: Poştiqa, 53
| Paylaş: