.png)
PORTUQALİYALILAR "QARTALI" UÇURTDU (YENİLƏNİB)
Paylaş:
Türkiyə kubokunda yarımfinal mərhələsinin oyunlarına yekun vurulub. İlk oyun günündə cəmi bir qarşılaşma keçirilib. Superliqada çempionluq yarışından əlini üzən "Beşiktaş" kubokda yoluna inamla davam edir. 1/4 final mərhələsində iki görüşün nəticəsinə görə, "Qaziantep BB"ni üstələyən (5:0) "Qara qartal" doğma meydanda "Qaziantepspor"u qəbul edib. İlk hissəsi qolsuz bitən matçın ikinci yarısında Tayfur Havutçunun komandası rəqib qapısından 3 cavabsız top keçirərək qələbə qazanıb. İstanbul klubunun heyətində Simao və Almeyda fərqlənib. Yarımfinalın bu gün keçirilən digər görüşündə isə "İstanbul BB" və "Gənclərbirliyi" münasibətlərinə aydınlıq gətirib. Matç minimal hesablı heç-heçə (1:1) ilə bitib. İlk qol 21-ci dəqiqədə qonaqlardan gəlib. Meydan sahibləri ikinci yarıda hesabı bərabərləşdirməyi bacarıb. Türkiyə kuboku Yarımfinal (ilk oyunlar) 6 aprel "Beşiktaş" - "Qaziantepspor" - 3:0 7 aprel "İstanbul BB" - "Gənclərbirliyi" - 1:1
Qollar: Simao, 64; 86, Almeyda, 75
Qollar: Holosko, 62 (pen) - Mustafa Pəktəmək, 21
| Paylaş:
.png)
