"Sumqayıt" Gürcüstanda növbəti qələbəsini qazandı
Paylaş:
Hazırlığının ikinci mərhələsini Gürcüstanda davam etdirən "Sumqayıt" qonşu ölkədə ikinci yoxlama görüşünə çıxıb. Aqil Məmmədovun rəhbərlik elədiyi komanda Premyer Liqa təmsilçisi "Merani Martvili" ilə üz-üzə gəlib.
Görüş gənclik şəhəri təmsilçisinin 2:1 hesablı qələbəsiylə başa çatıb. "Sumqayıt"ın heyətində Nurlan Novruzovla Vüqar Əsgərov fərqlənib.
“Sumqayıt” bundan öncə birinci liqada yarışan “Mertsxali” ilə qarşılaşmış və 3:0 hesabıyla qalib gəlmişdi.
"Sumqayıt" Gürcüstandakı 3-cü yoxlama oyununu "Quriya Lançxuti"yə qarşı keçirəcək.
| Paylaş: