SAMİR ABBASOVDAN GÖZLƏNİLMƏZ RADİKALLIQ (MÜSAHİBƏ)
Paylaş:
- Uzun müddətli zədədən sonra özünüzü necə hiss edirsiniz? - "Xəzər Lənkəran"la matçda oynaya biləcəksiniz? - Ümumiyyətlə, "Qarabağ"da işləriniz necə gedir? - Amma əvvəlki klubunuz "İnter"də daim əsas heyətdə meydançaya çıxırdınız... - "Qarabağ"ın turnir cədvəlində hazırkı mövqeyini necə dəyərləndirirsiniz? - Dekabrın 23-də "Xəzər Lənkəran"la keçirəcəyiniz səfər oyununu ilk "6-lığ"a düşmək baxımından həlledici saymaq olar? - Bəs Lənkəranda hansı nəticə "Qarabağ"ı qane edəcək? - Artıq 32 yaşınız var. Bəzilərinin fikrincə, əvvəlki kimi oynaya bilmirsiniz, karyeranızı başa vurmaq vaxtınız çatıb... - Yığmadakı çıxışlarınızı da davam etdirəcəksiniz? - Bu yaxınlarda "İnter"in sabiq rəsmisi Alı Alıyev barənizdə tənqidi fikirlər səsləndirib... - Alıyev konkret, 2009-cu ilin mayında keçirilmiş Azərbaycan kubokunun final qarşılaşmasında baş verən epizoddan danışıb. O deyib ki, həmin vaxt "İnter"də çıxış edərkən, "Qarabağ"ın futbolçusuna qəsdən kobudluq edərək penaltiyə səbəb olmusunuz... - Alıyevin dövründə "İnter"də oynamısınız?
- Hazırda özümü normal hiss edirəm. Komanda ilə məşqlərə başlamışam. Dekabrın 23-də "Xəzər Lənkəran"la səfər qarşılaşmasından sonra müalicəmi bir az da davam etdirəcəyəm.
- İnşallah. Oynamağa hazıram. Amma hər şey baş məşqçimiz Qurban Qurbanovun qərarından asılı olacaq. Artıq ötən tur "Muğan"la matçın son 11 dəqiqəsini meydançada keçirmişəm. Bildiyiniz kimi, yığma ilə birgə təlim-məşq toplantısında olduğum vaxt boyun nahiyəmdən həddən artıq ciddi zədə almışdım. Məndən öncə analoji xəsarətlə üzləşən futbolçular da bunu təsdiqləyərlər. Bel zədəsi olsaydı, nisbətən yaxşı idi. Amma boyundan xəsarət alanda, baş gicəllənir, ciddi ağrılar olur. Zərbə boyun nahiyəmdən çox pis dəymişdi. Daha uzun müddətə sıradan çıxa bilərdim. Amma həkimlərin səyi nəticəsində 3 ay ərzində bərpa olundum. Amma özümü yenə qoruyuram.
- "Qarabağ"da kollektiv baxımından işlərim əladır. Lakin öz oyunum baxımından heç də yaxşı deyil. Çünki komandaya yayda gəlmişəm. Bir-iki ay oynayıb öyrəşirsən, birdən-birə ciddi zədə aldıqda bu, istər-istəməz futbolçuya psixoloji cəhətdən pis təsir edir. Çünki yeni komandada oynayıb özünü göstərməyi, azarkeşlərin rəğbətini qazanmağı fikirləşdiyin zaman zədələnərək, 2-3 həftəlik sıradan çıxırsan. Bu, həddən artıq pis şeydir.
- Orada zədələrim olsa da, indiki kimi problem yaratmırdı. Tezliklə sağalaraq oynayırdım.
- Komandamızın hazırkı mövqeyi normal deyil. Son turlarda qələbə qazanmağa başlamışıq. Bir az özümüzə gəlmişik. "Xəzər Lənkəran"la qarşılaşma öncəsi motivasiyamız, hazırlıq səviyyəmiz qaydasındadır. Amma turnir cədvəlində əsl mövqeyimizdə deyilik. Əsas məqsədimiz ilk "6-lığ"a düşmək və daha sonra yüksək nəticələr göstərməkdən ibarətdir.
- Bəli. "Xəzər Lənkəran"la qarşılaşmanı bu il üçün çox həlledici sayırıq. Bu, ilk "6-lıq"da yerimizi təmin etmək baxımından çox yaxşı şans verən oyundur.
- Açığı, nəticə haqda düşünməmişik. Turnir cədvəlinə diqqət yetirib, "Belə etsək, yaxşı olar" deməmişik. Lənkərana uduzmamaq üçün gedirik.
- Onlar azarkeş kimi yanaşırlarsa, ola bilsin, haqlıdırlar. Formada olmaya bilərəm. Karyeramı başa vurmağımın gərəkliyi haqda danışanları isə ağılsız insanlar sayıram. Onlar çox səviyyəsizdirlər. Yaxşısı budur, heç futboldan danışmasınlar.
- İnşallah, çağırsalar, gələcəyəm.
- Eşitdim. Məni elə adamlarla müqayisə edəcəksinizsə, müsahibə götürməsəniz, yaxşıdır. Futbol ictimaiyyətindən onu da soruşun, Samir Abasovu da. Oyunumu bəyənməyənlər ola bilər. Amma insan kimi, Alıyevin dediklərinə inanmayın.
- Bu, adi oyun epizodu idi. "Qarabağ"da o cür tərtəmiz insanlar, məşqçilər, rəhbərlik var. Penaltiyə qəsdən səbəbkar olsaydım, onlar məni "Qarabağ"a götürərdilər? Qorxmazdılarmı ki, eyni hərəkətə orada da yol verərəm? Doğrudan da adamı əsəbiləşdirirlər.
- Xeyr, mən ondan sonra gəlmişəm. Amma çox şey eşitmişəm. Həmin vaxt "İnter"də oynayanların yarısı indi "Qarabağ"dadır. Elə insanlara cavab verməyin yeri yoxdur. Allaha şükürlər olsun ki, hazırda futbolumuzda bu cür insanlar yoxdur.//lent.az
| Paylaş: