"NEFTÇİ" HARDA HAZIRLAŞACAQ?
Paylaş:
"Neftçi"nin ölkə çempionatının 2010/11 mövsümünün qış fasiləsi üçün hazırlıq planı müəyyənləşib. Klubun rəsmi saytının verdiyi məlumata görə, komanda üzvləri gələn ilin oyunlarına 3 mərhələdə hazırlaşacaqlar. Futbolçular əvvəlcə yanvarın 7-8-də Bakıda tibbi baxışdan keçəcəklər, yanvarın 10-da ölkə xaricinə yollanacaqlar. Türkiyənin Antalya şəhərində keçiriləcək ilk mərhələ ayın 20-də yekunlaşacaq. İkinci mərhələ isə 24 yanvar - 4 fevral aralığında yenidən Antalyada baş tutacaq. Futbolçular baş məşqçi Arif Əsədovun rəhbərliyi altında hazırlıq tapşırıqlarını yerinə yetirməklə yanaşı, bir neçə yoldaşlıq görüşündə qüvvələrini sınayacaqlar. Hazırlığın sonuncu mərhələsi isə Bakıda keçiriləcək.
| Paylaş: