MOSKVADAN "QIZIL" MEDALLA!
Paylaş:
Moskvada keçirilən yunan-Roma güləşi üzrə Dünya çempionatına başa çatıb. Sonuncu azərbaycanlı iştirakçı Rafiq Hüseynov (74 kq) medalsız qalıb. Beləliklə yunan-Roma güləşi üzrə yarışlarda bir qızıl, bir bürünc medal qazanan Azərbaycan yığması Rusiya (46 xal) və Türkiyədən (32) sonra üçüncü yeri tutub (26 xal). Qeyd edək ki, Həsən Əliyev (60 kq) qızıl, Vitali Rəhimov isə (66 kq) bürünc medal qazanıb. Artıq Rusiya paytaxtında qadınlar arasında güləş üzrə Dünya çempionatı start götürüb. Təmsilçilərimizdən ilk olaraq xalça üzərinə Patimat Baqomedova (48 kq) çıxıb. Qırğızıstanlı rəqibi təmsilçisi Mixrinso Nurmatovanı mübarizədən kənarlaşdıran Baqomedova növbəti mərhələdə Venesuela təmsilçisi Kastilyo Karipanı məğlub edib. Güləşçimizin 1/4 finalda rəqibi Tunis idmançısı Mara Mezen olub. Bu dəfə də qalib gələn Patimat yarımfinalda rusiyalı Larisa Oorjaka yenilib. Bürünc medal uğrunda görüşdə Çin təmsilçisi Saşa Zaoya yenilən idmançımız beşinciliklə kifayətlənib. Digər Azərbaycan təmsilçisi Anjela Doroqan (51 kq) ilk mərhələdə fransalı Zöhra Bubremi mübarizədən kənarlaşdırsa da, daha sonra yaponiyalı Yui Xoruiçiyə yenilib. Yapon güləşçi finala çıxdığından Doroqan bürünc medal uğrunda mübarizə aparıb. Lakin burada isveçli Sofiya Maqdalena Mattsona yenilərək, medalsız qalıb.
İsveçli Robert Patrik Rosenqreni məğlub edən Rafiq növbəti mərhələdə Türkiyə idmançısı Səlcuk Çebiyə məğlub olub. Türkiyəli idmançı finala çıxdığından təmsilçimiz bürünc medal uğrunda mübarizə aparmaq imkanı qazanıb. Rafiq ilk təsəlli görüşündə Dominikan Respublikasının təmsilçisi Brea Mota, ardınca isə xorvatiyalı Neven Zuqaca qalib gəlsə də, üçüncü görüşdə Rusiya təmsilçisi İmil Şarafatdinova yenilərək, 5-ci olub.
| Paylaş: