.png)
CÜDO YIĞMAMIZ DÜSSELDORFDA İFLASA UĞRADI
Paylaş:
Almaniyanın Düsseldorf şəhərində təşkil olunan Qran-Pri turnirində iştirak edən Azərbaycanın cüdo yığması uğursuz çıxış edib. Lisenziya xarakterli yarışa qatılan 6 idmançımızdan heç biri medal qazana bilməyib. Turnirdə çıxış edən idmançılarımızdan yalnız Elxan Məmmədov (90 kq) medal qazanmağa yaxın olub. O da 1/4 finalda mübarizəni dayandırıb. Onun yarımfinala gedən yolunu yaponiyalı Yuya Yoşida kəsib. Digər təmsilçilərimiz - İlqar Müşkiyev (60 kq), Sərxan Əhmədov (66 kq), Ramin Qurbanov (90 kq), Elmar Qasımov (100 kq) və Emil Tahirov (+100 kq) daha zəif təsir bağışlayıblar. Turnirdə olimpiya çempionu Elnur Məmmədli və bürünc mükafatçı Mövlud Mirəliyevin çıxışı gözlənilsə də, bu baş tutmayıb. Yekunda Azərbaycan yığması 45 kollektiv arasında 27-33-cü yerləri bölüşdürüb.
| Paylaş:
.png)
