.png)
Dmitri Nazarov Almaniya klubu ilə müqavilə imzaladı
Paylaş:
Azərbaycan millisinin üzvü Dmitri Nazarov çıxış etdiyi Almaniyanın "Ersgebirge" klubu ilə müqaviləni uzadıb.
Bu barədə Aue təmsilçisinin saytı məlumat yayıb. II Bundesliqa təmsilçisi 29 yaşlı yarımmüdafiəçi ilə 2023-cü ilin yayına kimi müqavilə bağlayıb.
Dima 2016-cı ildə "Karlsrue"dən "Aue"yə keçib. Milliləşdirilmiş futbolçu ilə yanaşı, Klemens Fendrixlə də yeni sözləşmə imzalanıb.
Klubun prezidenti Xelqe Leonxardt Nazarovun klubun gələcək strateji planlarının bir hissəsi olduğunu deyib: "Bu futbolçular ağılı, ruhu və keyfiyyəti ilə komandamıza uyğun gəlir. Onlar bunu gələcəkdə də sübut edəcəklər".
Komandanın baş məşqçisi Dirk Şuster Fendrix və Nazarov haqqında fikirlərini bildirib: "Onlar futbolçu keyfiyyətləri və təcrübələri ilə komandamızın əsas dirəyini təşkil edirlər. Şadam ki, qarşıdakı müddətdə də birgə çalışacağıq".
.jpg)
| Paylaş:
.png)
.jpg)