Dino Ndlovu: "Qarabağ"la APOEL-in şansları bərabərdi"
Paylaş:
Çinin "Xançjou Qrintaun" klubunun futbolçusu Dino Ndlovu sabiq komandası "Qarabağ"ın Çempionlar Liqasının III təsnifat mərhələsində APOEL-lə oyunlar öncəsi fikirlərini bildirib.
29 yaşlı hücumçu hər iki komandanın şanslarının bərabər olduğunu deyib: "Qarabağ"ı yaxşı tanıyıram, APOEL-in də necə komanda olduğunu bilirəm. Hər iki komandanın bugünkü durumu barədə dəqiq məlumatım olmasa da, mərhələ keçmək şanslarını 50-nin 50-yə hesab edirəm. Bu, böyük maraqla gözlənilən iki vacib oyun olacaq. Hər iki komanda nəyin bahasına olursa olsun, Çempionlar Liqasının pley-offuna düşmək istəyir".
"Qarabağ"la APOEL arasında ilk oyun sabah Nikosiyada olacaq. Matç Bakı vaxtı ilə 21:00-da başlayacaq. Avqustun 13-ü Bakıda keçiriləcək cavab qarşılaşmasına isə yerli vaxtla saat 20:30-da start veriləcək.
Ndlovu 2016-2017-ci illərdə Ağdam klubunda oynayıb.
| Paylaş: