Bu gün:


FutbolPress.Az | Uşaq futbolu və Yusif Vəliyev (VİDEO MƏZHƏKƏ)

Uşaq futbolu və Yusif Vəliyev (VİDEO MƏZHƏKƏ)


oxunma sayı: 732 Paylaş:

FutbolPressAFFA İntizam Komitəsi 2017-ci ilin son 3 ayı ərzində qurumun təşkilatçılığı ilə keçirilən müxtəlif yarışlarda 52 texniki məğlubiyyət qeydə alıb. Bunların hamısı uşaq liqalarında, qızların çempionatında və Region Liqasında reallaşanlardı.

Son ikisi bir qədər fərqli mövzu olsa da, uşaq liqalarındakı təxirəsalınmalar ölkə futbolunun gələcəyi üçün kifayət qədər ciddi həyəcan siqnalı sayılmalıdı. Çünki bu sahə strateji əhəmiyyətlidi.

AFFA-nın 2017-ci il üçün rəsmi hesabatı açıqlanmadığı üçün müxtəlif uşaq liqalarının keçirilməsinə xərclənən maliyyəni bilmirik. Ancaq 2016-cı il hesabatında həmin rəqəm 2 milyon 100 mindən artıq olub. Yəqin ki, ötən il də bu həndəvərdə, yaxud daha çox vəsait xərclənib. O pulların nəticəsində son 3 ayda rekord sayda təxirəsalınmalar baş verib...

Sahəyə cavabdeh şəxs Yusif Vəliyevdi. O, marketoloqdu, telekanallarda supermarketlərdən broyler təsərrüfatına, marketinqdəki problemlərdən turizmə qədər hər mövzudan danışıb/danışır. Gəl ki, Vəliyevin nəzarət etdiyi uşaq futbolu haqda bir ciddi açıqlamasını görməmişik/yoxdu. Ancaq o, belə bir strateji sahəyə cavabdeh şəxsdi, 7000+ məvacibi var.

Niyə, hansı məntiqlə, hörmətli AFFA rəhbərliyi? Ölkədə futbol mütəxəssisi çatışmazlığıdı? Marketoloqun belə vacib sahənin idarəçiliyində nə işi var?




oxunma sayı: 732 | Paylaş: