Zaur Svanadze: "Cəfəng qollar buraxdıq"
Paylaş:
Avropa Liqasının II təsnifat mərhələsinin cavab oyunları çərçivəsində səfərdə Lüksemburq "Fola"sına 1:4 hesabı ilə uduzaraq (ilk matç - 1:0), turnirlə vidalaşan "İnter"in baş məşqçisi Zaur Svanadze görüşdən sonra fikirlərini bildirib.
Gürcüstanlı mütəxəssis məğlubiyyəti belə şərh edib:
"Təəssüf ki, azarkeşləri sevindirə bilmədik. Növbəti mərhələyə keçmək şansımız var idi, lakin alınmadı. Paradoksal haldır ki, burada Bakıda oynadığımızdan daha yaxşı oynadıq. Yaxşı anlardan istifadə etməyi bacarmadıq. Sadəcə, cəfəng qollar buraxdıq. Bu futboldur, demək olar ki, həmişə bəxt gətirmir. Amma bəxtə layiq olmaq da lazımdır".
| Paylaş: